Nanomboka omaly, notarafin’ny jiro maka ny lokon’ ny Vondrona Eoropeanina ny Lapan’ny Tanànan’Antananarivo, etsy Analakely. Nentina nanamarihana ny “Andron’i Eoropa”, izay mitohy ho “Herinandron’
i Eoropa” izany. Tafiditra ao anatin’ny fandaharam-potoana ny lafiny zavakanto, ka anisan’izany ny hetsika izay hotontosaina eo amin’ ny tokotanin’ny Lapan’ny Tanàna, rahampitso 11 mey.
Hisy ny fampirantiana ireo tetikasan’ny Vondrona Eoropeanina, manomboka amin’ny 9 ora maraina. Handravaka ny fotoana kosa ny slam entin’i Caylah ny atoandro, izay arahin’ny fanomezana ny loka tamin’ ny fifaninanana saripika, nokarakaraina mialoha. Hanomboka amin’ny 1 ora tolakandro ny fandefasana ny horonantsary momba ny Vondrona Eoropeanina. Hotohizan’i Nully, Marco ary Driwna amin’ny fampisehoana mozika izany. Elanelanin’i Navalona sy Hazel amin’ny slam ihany koa.
Zo ny Aina
French