Vondrona Eoropeanina : hanohana ny Malagasy mpandraharaha

Mbola anatin’ny herinandron’i Eoropa isika. Maro karazana ny hetsika hanama­rihana ity fankalazana ity. Omaly, nisy ny atrikasa natao, teny Ankorondrano, nihao­nan’ny Vondrona Eoropeani­na tamin’ireo sehatra tsy miankina. “Mikasa hanohana ny Malagasy mpandraharaha amin’ny fidirana eo amin’ny tsena eoropeana ny Vondrona Eoropeanana”, hoy ny fanazavan’ny masoivohony eto Madagasikara, Isabelle De­lattre. Misy ny pitsopitsony mila dinihina hahafahana manatanteraka izany, raha ny fanazavana. Anisan’izany ny fomba hanohanana ireo orinasa malagasy sy ny fepetra takina amin’izy ireo. Ankoa­ tra izay, niara-nidinika amin’ ny World Trade Organisation (WTO) ihany koa ny Vondro­na Eoropeanina momba ireo olana ara-teknikan’ireo firenena mpiara-miombon’antoka. Tanjona ny hanatsarana ny fepetra hidiran’ny Malagasy mpandraharaha eo amin’ny tsena eoropeana. “Indrain­dray anefa ny mpandraharaha no diso fanantenana manoloana ny zava-misy. Tsy atao sakana izany fa jerena hatrany ny fomba hanampiana sy hanatsarana ny toe-draharaha”, hoy hatrany ity masoivohon’ny Vondrona Eoropeana ity. Marihina fa ankalazaina eo amin’ny tokontany malalaky ny Lapan’ny tanàna, Parvis Analakely, ny herinandron’i Eoropa. Miisa 24 ireo tranoheva handraisana an’ireo mpi­ara-miombon’antoka amin’ny Vondrona Eoropeanina toy ny Frantsa (AFD), Alema (GIZ) anjara.

Henintsoa H.