Tsy voalohany ny fiarahana ho an’i Njakatiana sy i Bodo. Maro ireo mpankafy ireo fampiaraham-peo iarahan’ireto kalaza ireto, toa ny anatin’ny “Toera-mamy”, “Ry foko”, “Resinao”, sns. Hira nampahafantarana ny fiarahana an-tsehatra, toa ilay seho “Mifampitantana”, izy ireny…
Fantatra izao fa hisy tohiny izany, mandritra ny seho “Amboaran-kira ho an’i Neny”. Hotontosaina ny 4 jona izao, manomboka amin’ny 2 ora sy sasany, ao Antsahamanitra izy io. “araka ny anarany, fetin’ny reny io ka homentsika fitiavana manokana izy ireo. Na izany aza, fetin’ny mpianakavy kokoa izy ity”, hoy ny filazan’i Njakatiana.
Hisy ampaham-potoana, samy hanolotra ny kantony ny tarika tsirairay. Hibahana kokoa anefa ny fampiaraham-peo, raha ny nambaran’ny mpikarakara. Satria haharitra ora 4 sy sasany ny seho, hasiana rindra manokana ny toerana amin’io mba tsy handreraka ireo mpankafy.
Zo ny Aina
French