Niady tanteraka ny fihaonan’ny Ajesaia Bongolava sy ny CFFA Andoharanofotsy. Nisaraka ady sahala, 2 no ho 2, ny roa tonta tamin’ity lalao ampahefa-dalana mandroso, fifaninana «Playoff Orange Pro League (Opl) 2023», ity. Fifanandrinana notanterahina ny sabotsy lasa teo, teny Ambohidratrimo. Nanokatra ny isa voalohany ny Ajesaia, tamin’ny alalan’i Feno, ny minitra faha – 9. Telo minitra taorian’io, nosahalain’i Carlos ny isa (12 min). Nampian’i Amoros, dimy minitra taorian’izany (17 min) ho an’ny ekipan’Andoharanofotsy. Nitarika tamin’ny isa 2 no ho 1 ny CFFA. Isa nentina niala sasatra.
Niezaka nanova paikady ny Ajesaia, nosahalain’i Eric ny isa teny amin’ny solaitrabe, ny minitra faha -82. Tsy mbola afa-bela ny ekipan’ Antaninkatsaka. Tsiahivina fa izy roa ireto, nanao ny lalao famaranan’ny Playoff, tamin’ny taon-dasa. Azon’ ny CFFA ny Amboara tamin’izany.
Marihina fa hotanterahina, anio, eny amin’ny kianjan’ny Elgeco Plus By –pass, ny fihaonan’ny Cosfa sy ny Mama Fc.
Fitia
(Mpianatra asa)
Ireo voka –dalao nandritra ny lalao mandroso :
CFFA (2) vs (2) Ajesaia
As Fanalamanga (1) vs (0) Elgeco Plus
Fosa Junior FC (3) vs (1) Disciples FC
French