Nisafidy lohahevitra iray lehibe i Seta Ramaroson, manoloana ny fianarana mozika : « Ampy ve ny fitendreko irery ? Ilaiko ve ny fiarahana mitendry amin’ny hafa » ? Ny zoma 26 mey izao, manomboka amin’ny 1 ora tolakandro, ao amin’ny Ivontoerana Miangaly Tsimbazaza no hanatanterahiny ny famelabelaran-kevitra mifandraika amin’izany.
Seta Ramaroson, mpampianatra mozika anisan’ny manana traikefa matanjaka. Mpanakanto sy tarika maro no efa niara-niaka-tsehatra taminy. Ny fitsofana saksôfôna no tena nahafantarana ity andrarezin’ny mozika malagasy ity. Havanana amin’ny fitsofana sodina ihany koa izy. Mpianatra maro no nanovo fahalalana sy novolavolainy. Manome lanja lehibe ny fampiharana i Seta Ramaroson raha eo amin’ny tontolon’ny fampianarana mozika.
Marihina fa tsy misy vidim-pidirana ny fanatrehana ity velakevitra sy fifampizarana traikefa ity.
HaRy Razafindrakoto
French