Antananarivo Renivohitra : nitsidika ny tsena Andrianjaka ny ben’ny Tanàna

Tonga nitsidika ny tsena Andrianjaka, eny Isotry, ny ben’ny Tanànan’Antananarivo Renivohitra, Andriantsito­haina Naina, omaly. «Ahitana karazan’entana ilaina amin’ny andavanandro eny an-toerana”, hoy ny delegen’ny mpivarotra, Rakotonarivo Frédéric Désiré. Anisan’izany, ny mpivarotra lamba, hani-masaka, momba ny fahasalamana, vy, brocanteur, hazo, contreplaqué…
Mampiavaka ny tsena eny ny fisian’ireo mpanamboatra sy mpanakalo entana simba (onduleur, téléphone…), raha ny fanazavana hatrany. An­koatra izay, ahitana mpanamboatra sy mpivarotra loko, mpanao rebobinage, plomberie ihany koa eny an-toerana.
Nandritra ny fidinan’ny ben’ny Tanàna dia nangataka taminy ireo mpivarotra mba hametrahana jiro sy rano ary hanatsarana ny tsena. “Mila­mina ny fandriampahalemana sy ny lafiny rehetra amin’ny ankapobeny eo anivon’ny tsena satria efa misy fiarovana avokoa ao anatiny sy ny ivelan’ny tsena”, hoy hatrany izy.

Mino (mpianatra asa)