Hotanterahina, anio sy rahampitso, ny lalao ampahefa-dalana miverina amin’ny fifaninanam-pirenena “Playoff Orange Pro League 2023”, taranja baolina kitra. Anisan’ireo lalao tena andrasan’ny rehetra ny fihaonan’ny Ajesaia Bongolava sy ny CFFA Andoharanofotsy. Fifanandrinana hatao eny amin’ny kianjan’ny Elgeco Plus By pass, anio sabotsy 27 mey 2023. Tsiahivina fa nisaraka ady sahala 2 no ho 2 ny roa tonta, tamin’ny dingana voalohany. Marihina fa ny mpilalaon’Andoharanofotsy, efa nandavo ity ekipan’i Bongolava ity tamin’ny lalao famaranan’ny “Playoff OPL”, ny taona 2022 lasa teo. Mbola manala vela, araka izany, ny Ajesaia, saingy tsy maintsy hitazona ny anaram-boninahitra kosa ny CFFA.
Ankoatra izay, hanala vela amin’ny AS Fanalamanga ny ekipan’ny Elgeco Plus, rahampitso ao amin’io kianja io ihany. Tsara ny mampahatsiahy fa niondrika tamin’ny isa 1 no ho 0, tany Toamasina, nandritra ny fihaonana voalohany ny Elgeco.
Fitia (Mpianatra asa)
Ireo fandaharan-dalao
Sabotsy 27 mey 2023
Kianja : Elgeco Plus
2 ora 30 : CFFA vs Ajesaia
Kianja : Vontovorona
2 ora 30 : Cosfa vs Mama FC
Alahady 28 mey 2023
Kianja : Elgeco Plus
2 ora 30 : Elgeco Plus vs AS Fanalamanga
Kianja : Mahajanga
2 ora 30 : Fosa Junior Fc vs Disciples FC
French