Fivorian’ny APIOI : dinihina ny fampandrosoana ny seranan-tsambo

Natao ny alatsinainy sy talata teo ny fihaonana an-tampony eo amin’ireo mpitantana seranan-tsambo eto anivon’ny ranomasimbe India­nina. Nandray anjara tamin’izany ireo Nosy rahavavy, misy an’i Comores, Maurice, La Réunion, Mayotte, Sey­chelles ary i Madagasikara. Nanatrika izany koa ireo tomponandraikitra samihafa avy ao Taolagnaro sy ny avy ao amin’ny Société du port à gestion autonome (SPAT) ao Toamasina izay nampiantrano ny fivoriana. Ain-dehibe
amin’ny fampandrosoana ity natao ity hampiakarana ny toekaren’ireo firenena mpikambana ao amin’ny Asso­ciation des ports des îles de l’Océan Indien (APIOI). Voizina ny fanatsarana ny fomba fitantanana ao anatin’ny fikambanana. Tanjona ihany koa ny hananana seranan-tsambo lehibe sy matanjaka ary hanjakan’ny fandriampahalemana eto anivon’ny ranomasimbe Indianina. Tafiditra anatin’ny lahadiniky ny fivoriana ny hampiroboroboana ny fandraisana sambo lehibe mitondra mpizahatany. Eo koa ny fanitarana ny seranan-tsambo ary ny fampiofanana mpiasa hanatsarana ny kalitaon’ny asa amin’ireo samy mpikamban’ny APIOI. Filoha mpitarika ny filankevitra ny tale jeneralin’ny seranan-tsambon’i Seychelles, Sony François Payet. Ham­piantrano ny fivoriana manaraka kosa i La Réunion.

Sajo