Eny, « nampirevy » mihitsy no mahalaza azy. Seho niavaka no nentin’ny Star nanamarika ny fiovana endrika teo amin’ny zava-pisotro “Fresh”. Efa ela naniriana, saingy izay vao tafaraka tamin’ny sehatra iray mantsy ny tarika ‘Zay sy ny tarika AmbondronA. “Nampirevy” ara-bakiteny izy ireo, teny Analamanga Park, omaly.
Fitsangantsanganana hoan’ny mpianakavy kokoa, saingy ny fampisehoana no tena nisongandina nandritra ny fotoana. Nanana ny anjarany ny ankizy tamin’ireo lalao isan-karazany. Nanomboka tafiditra tanaty fety koa ireo tanora, rehefa nampiakatra ny hafanana ireo mpikosoka kapila.
Hafa mihitsy kosa rehefa nanomboka ny fampisehoana… Sehatra teo afovoany, izay efa mahazatra ny tarika ‘Zay ho fifalian’ireo mpijery rehetra no nisy. Nanaraka kosa ny tarika AmbondronA, nandahatra ireo hira rehetra tena be mpankafy. Nisy nentin’ireo nijery niatrika ny fitohanana tamin’ny fodiana ny fahatsiarovana tsara nandritra ny seho.
Zo ny Aina
French