Nisitraka ny kopia nahaterahana voalohany, tamin’ny alalan’ny tetikasa kopia faobe, ireo ankizy 20 teto Antananarivo Renivohitra. Nanolotra izany mivantana, omaly, ny ben’ny Tanànan’Antananarivo Renivohitra, Andriantsitohaina Naina. Vokatry ny fiaraha-miasan’ny CUA sy ny Organisation Internationale
de la Francophonie (OIF) no nahafahana nanatanteraka izany.
Miisa 4.207 ny kopia hozaraina amin’ity andiany voalohany ity ho an’ny eto Antananarivo. Hahatratra 12.000 kosa ireo ankizy hisitraka izany mandrapahatapitry ny tetikasa. Efa nanomboka tamin’ny volana desambra, 2022, ny fikarakarana ny kopia faobe ary hifarana ny faran’ny volana jona izao. Zaza iray volana hatramin’ny 17 taona no afaka mikarakara antontan-taratasy mba hisitraka ny kopia.
Hiditra amin’ny dingana faharoa ny hetsika aorian’izay. Manao fanentanana ny mponina sy mitety fokontany ny CUA amin’ny fampahafantarana ny mponina ity tetikasa ity. Ankoatra izay, misy ny fanentanana mandritra ny hetsika fahasalamana manakaiky vahoaka ataon’ny CUA.
Tatiana A
French