Nirefodrefotra ny basy tetsy Andavamamba, omaly hariva. Jiolahy roa mpanao fanafihana mitam-piadiana maty voatifitra ny SAG raha nikasa handositra. Miisa dimy ireo jiolahy nifanenjehana. Tratra ny telo ka lavo teo noho eo ny roa, araka ny nambaran’ireo nanatri-maso. Azo sambo-belona kosa ny iray. Tafaporitsaka ireo namany. Malaza ratsy amin’ny fanafihana mitam-piadiana ireto jiolahy tra-tehaka ireto. Raha tsiahivina, vao ny faran’ny volana avrily teo no nahafatesan’ny polisy ny jiolahy raindahiny iray nanamorona ny lakandrano eo Andavamamba. “Matetika isehoana fanendahana sy fanafihana mitam-piadiana ety, saingy tsy afa-manoatra ny mponina”, hoy ny loharanom-baovao iray monina eny an-toerana.
Tsiferana R.
French