Voasambotry ny polisy miasa ao amin’ny Sûreté urbaine ny jiolahy nangalatra fiara, nanaovana filazana fahaverezana, tao amin’ny tambajotran-tserasera “facebook”. Tratra teny Ankadilalampotsy Ankaraobato ity jiolahy ity, omaly tolakandro tamin’ny 1 ora. Nafeniny tao amina kizo iray ity fiara ity rehefa avy nangalariny. Tsiahivina fa very nisy nangalatra teo amin’ny fiantsonan’ny fiara ao amina tranombarotra Score Tanjombato ity fiara ity, ny talata 06 jona teo. Nanao fampilazana fahaverezana fiara tamin’ny facebook avy hatrany ny tompony taorian’izay. Tsy niandry ela ny polisy fa nanao ny fikarohana avy hatrany. Fantatra fa mpamily taxi iray ity nivadika nanao asan-jiolahy ka nangalatra fiara ity. Nametraka ny paikady rehetra ny polisy ahafahana misambotra ilay tompon’antoka. Nahitam-bokany izany ka izao niafara tamin’ny fahatrarana azy izao. Mitohy ny fanadihadiana ataon’ny polisy.
Jean Claude
French