Lavo ny andrarezina ! Araka ny vaovao nampitain’i Dadafara Lt Production, filoha lefitry ny Federasion’ny mpihiragasy, nodimandry ny 7 jona 2023, tamin’ny 1 ora maraina, teo amin’ny faha-81 taonany, Rafetisamimanana Andohavary. Vao ny faha-15 taonany izy dia efa nirotsaka nanao hiragasy. Izany hoe, 68 taona nanaovana ity zavakanto sady kolontsaina ity izy, izao nindaosin’ny fahafatesana izao.
Anisan’ny nahafantarana an-dRafetisamimanana Andohavary ny fahaizana mikabary ao anaty hiragasy. « Zana-dRasamimanana Andohavary izy. Lehilahy manana ny maha izy azy eo amin’ny fikabariana anaty hiragasy io rainy io. Rafetisamimanana no azo lazaina fa nandimby azy », hoy i Dadafara.
Mirary fiononana feno ho an’ny tontolon’ny hiragasy sy ny fianakaviana manontolo ny Gazety Taratra.
HaRy Razafindrakoto
French