Noraisim-potsiny niaraka tamin’ny tompony tao anaty fiara, paraky gasy 874 kilao saron’ny zandary tao amin’ny fokontany Miarinarivo, kaominina ambanivohitra Andranomamy, ny alarobia 7 jona lasa teo. Naharay loharanom-baovao avy tamina tsara sitrapo, misy fiara mpitatitra iray voalaza fa nitondra ireo entana ireo niala avy ao Tanambe Ambatondrazaka hihazo an’Andranofasika. Niandry kendry tohina ny fandalovan’io fiara voalaza io ny zandary. Nosavaina avy hatrany ny fiara. Sarona tao tokoa ny gony am-polony nisy ireo paraky tsy nisy taratasy ara-dalàna. Olona folo voasaringotra tamin’ity fahatrarana ity ka vehivavy ny telo. Tompon’entana avokoa izy ireo. . Nentina hatao fanadihadiana eny anivon’ny biraon’ny zandary ireto olona voasambotra ireto. Nogiazana ireo paraky.
Tsiferana R.
French