Araka ny lahatsoratra nivoaka tamin’ny gazety Week-end, omaly alahady, tatsy La Réunion, averina ho anisan’ireo taranja hifaninanana ny Tae-kwon-do sy ny kick-boxing. Nisy ny fanerena nataon’ireo firenena mpikambana, ka nahatonga ny komity iraisam-pirenen’ny lalao (CIJ), niverina tamin’ny fanapahan-keviny. Raha tsiahivina, nahena ho 12 ny isan’ireo taranja hiadiana medaly volamena, amin’ity andiany faha-11 ity. Fifaninanana hatao eto Madagasikara, ny 25 aogositra – 3 septambra ho avy izao. Etsy ankilany, voalaza fa tsy maintsy hisy taranja iraisana miala raha toa ka misy miditra. Miandry ny fanambarana ofisialy sisa ny rehetra.
Mandra-piandry izany, tontosa omaly, tetsy amin’ ny Kianja mitafon’ Ankorondrano, ny fiadiana ny amboaran’ny masoivohon’i Korea, taranja tae-kwon-do. Nanjakan’ Analamanga ny fifaninanana. Voahosotra ho mpikatroka, vehivavy, mendrika, i Gracia (Dynamic Analamanga) ary i Nelson (ATF Antsinanana), teo amin’ny lehilahy. Nahatratra 445 ireo mpandray anjara, avy amin’ny ligy efatra, Analamanga, Atsinanana, Vakinankaratra ary Betsiboka.
Tompondaka
French