Tratra teo am-panaovana ny asa ratsiny, jiolahy iray maty voatifitry ny zandary teo am-pianihana tamboho tao amin’ny fokontany Andafiavaratra, kaominina Ankadikely, omaly maraina. Efa tafiditra tao anatin’ny tanàna nokasain’izy ireo ho robaina ny roa tamin’ireo olon-dratsy, tamin’ny 2 ora maraina.
Mbola nianika ny fefy kosa ny iray namany. Nampandre ny mpitandro filaminana anefa ny tompon-trano. Poa toy izay, tonga teo amin’ ny toerana voatondro ny zandary. Raikitra ny fifandonana tamin’ireo olon-dratsy. Nitondra fitaovam-piadiana ireto farany ka tsy nanaiky ho samborina. Vokany, lavo teo am-piakarana ny tamboho ny jiolahy iray. Tafaporitsaka tao anaty haizina ireo namany roa lahy. Tsy nisy voaroba kosa tao amin’ ilay tanàna.
Tsiferana R.
French