Notafihin’ny jiolahy ny tokantranon’ny filohan’ny fikambanana varira eto Madagasikara, Soja Fulgence ao Maevatanana, ny sabotsy maraina tamin’ny 9 ora sy 30 mn. Very nandritra ity fanafihana ity ny entana sarobidy rehetra niharian’izy mivady an-taona maro. Nambaran’i Soja Fulgence fa samy tsy teo an-toerana izy mivady tamin’io fotoana io fa ny zanak’izy ireo telo mianadahy no tao an-trano. Lasa nivoaka nandeha niantsena anefa ireo ankizy no niseho ny fandrobana. Nohamafisiny fa tsy nisy ny vaky trano na fanapitsohana fa toy ny novohaina tamin’ny fanalahidy ny trano. Eo indrindra no mampisalasala sy mahalasa saina ity raim-pianakaviana fa ahiana ho efa nomanina izao fandrobana izao. Nomarihiny rahateo fa ny mpiambina ny tanànan’izy ireo irery ihany no manana dika mitovy ny fanalahidin’ny trano.
Jean Claude
French