Mikarakara hetsika ny polisim-pirenena avy ao amin’ny kaomisaria foibe, Toamasina, amin’izao. Mba hanomanana ny fankalazana ny fetim-pirenena sy hanakaikezena ny vahoaka. Tanjona ny hanamafisana ny fandriampahalemana sy hanentanana ny olom-pirenena hanangan-tsaina eny anivon’ny tokantrano tsirairay avy. Misy ny fidinana ifotony eny anivon’ny fokontany, toerana be olona ary ireo faritra mafana (Morarano, Ambalakisoa, Ambolomadinika sy ao Tanambao I-II ary Tanamborizano). Hitohy amin’ny toeran-kafa, izay tantanin’ny Kaomisaria boriborintany voalohany Tanambao II, ny Kaomisaria boriborintany faharoa Mangarano, ny UIR ary ny CUI izany. Ahitana tranoheva, hanorona hevitra ireo iharan’ny herisetra ao amin’ny esplanade. Miandraikitra izany ny Brigade féminine de proximité. “Nisy ny fifampiresahana teo amin’ny mponina sy ny polisy ka nifampizarana mahakasika ny fandriampahalemana amin’ny ankapobeny”, hoy ny lehiben’ny kaomisaria foibe any Toamasina, Rakotondrainivonona Panoël Tsiky. Nandinihana ny endrika fandikan-dalàna miseho matetika mandritra ny fisafoana ary nizarana ny laharana ahazoana ny polisy.
Mino (mpianatra asa)
French