Natolotra ny fampanoavana omaly, ka naiditra am-ponja vonjimaika ireo roa lahy voarohirohy tamin’ny varotra rongony. Tompon’ antoka tamin’ny fitondrana zava-mahadomelina an-tsokosoko tamina fiara Sprinter iray, tao Farafangana. Voasambotry ny polisy avy ao amin’ny kaomisarian’i Farafangana izy ireo.
Efa malaza amin’iny distrikan’i Farafangana iny ny fisiana olona mitondra rongony hamatsiana kaominina maro ao an-toerana. Niainga avy amina angom-baovao voarain’ny polisy no nahafahana nisambotra azy ireo. Taorian’ny fanadihadiana, fantatra fa misy fiara Sprinter iray mijanona teo anoloan’ny trano fandraisam-bahiny iray. Tratra ny rongony efatra gony. Fantatra taorian’ny fanadihadiana fa olona mipetraka ao Manasoa, distrikan’i Vangaindrano no hakana ireto zava-mahadomelina ireto.
J.C
French