Tontosaina any Antsohihy, manomboka ny 21 hatramin’ ny 23 jolay 2023, ny « Festival Donabe » andiany voalohany. Ny mpanakanto Dadi love, miaraka amin’ny mpiara-miombona antoka aminy sy ny tomponandraikitra ara-panjakana any an-toerana no mikarakara izao hetsika lehibe izao. Seho ara-kolontsaina sy fifaninanana maro no hameno izany fotoana hanaovana ny hetsika izany. Tanjon’ny “Festival Donabe” ny hampiroborobo ny kolontsaina, indrindra ny haikanto, sy ny toekarena avy amin’iny faritra iny.
Hetsika ara-javakanto maroloko no ho hita mandritra ny “Festival Donabe”. Hasongadina manokana ny mozika tropikaly ao anatin’izany. Diabe maneho ny maha izy azy ny faritra, fampisehoana iarahana amin’ny mpanakanto maro samihafa no ho hita mandritra ny hetsika. Hanafana izany i Dadi Love, Ceasar, Tianjama, Fandrama, Wendy Cathalina, Mirasoa, Vilon’ Androy sy ireo mpanakanto vao misandratra avy ao Antsohihy sy ny manodidina.
Lin (Mpianatra asa)
French