Tsy mitsahatra mivoatra ny mpilalao basikety malagasy mila ravinahitra any ivelany. Araka ny vaovao, hanohy ny filalaovana basikety ao amin’ny klioba ALM Evreux Basket-ball, Raharimanantoanina Sitraka. Ho an’ny taom-pilalaovana 2023-2024 ny fifanarahana hilalaovany ao amin’ity klioba azo lazaina ho manana ny maha izy azy ity. Klioba Pro B ao Frantsa ny klioban’ny ALM Evreux ary efa manana “palmares” maro raha fifaninanana ao Frantsa no resahina. Hampiseho ny fahaiza-manaony sy ny heriny i Sitraka mandritra io taom-pilalaovana hilalaovany ao amin’ny ALM Evreux io. Tsiahivina fa efa anisan’ny nanampy tosika ny ekipa nasionaly malagasy i Sitraka, nandritra ny fifaninanana goavana natrehin’i Madagasikara. Anisan’izany ny tamin’ny fifanintsanan’ny “Afrobasket Men 2021”. Mbola tanora ary afaka mivoatra tsara Raharimanantoanina Sitraka, izay vao 22 taona monja ary mirefy 2m 08.
Tao amin’ny klioban’ny Elan Chalon Frantsa no nivoatra i Sitraka, izay mitana anjara toerana lehibe ao amin’io klioba io.
Mi.Raz
French