Hofaranana eto Antananarivo, ny 6 hatramin’ny 8 jolay izao, ny “Herinandron’ny Haratonaina”. Mikarakara izany ny minisiteran’ny Mponina sy ny fiahiana sosialy ary ny fampiroboroboana ny vehivavy. Hisy ny fakan-kevitra hiantsoana
ny rehetra ahafahana manao tombana sy manatsara ny dingana manaraka. Hatao etsy amin’ny Parvis, Lapan’ny Tanàna, Analakely ny hetsika. Hisy ny varotra fampirantiana hotanterahin’ireo mpisitraka ny tetikasa.
Hitohy amin’ny fitsidihana ireo mpisitraka any Imerintsiatosika ny fanamarihana ny
« Herinandron’ny Haratonaina ».Tanjona ny hanaporofoana ny fivoaran’izy ireo taorian’ny tantsoroka maro natao.
Misy ny tetikasa « Asa Avotra mirindra », ho an’ny teto Antananarivo. Nentina nanampiana ny tantsaha amin’ ireo kaominina manodidina. Nisy ny haratonaina an-tanàn-dehibe. Nampiharina tamin’ny tanàna telo manerana ny Nosy. Anisan’izany ny eto Antananarivo Renivohitra. Manginy fotsiny ny fanomezana tosika ara-bola sy tantsoroka hanarenana ny fiainan’ireo tena sahirana.
Mampiavaka ny fiahiana sosialy nandritra ny 8 taona ny hananan’ny fianakaviana sahirana fahaleovantena ara-pivelomana sy ho afaka tanteraka anaty fahantrana lalina. Rehefa vita ny tetikasa, mitohy ny ezaka fa tsy hiverin-dalana intsony ny mpisitraka.
Tatiana A
French