Notanterahina teny Ivandry, omaly, ny famaranana ny taom-pianarana fampiofanana «Ping pour tous 2022», ho an’ireo mpianatra eny amin’ny sekoly fototra EPP. Nisy ny fifanintsanana «Tennis de table» teny an-toerana namaranana izany. Maherin’ny 20 mianadahy no mpifaninana. Mpianatra amin’ny kilasy fahavalo “8ème” izy ireo. Anisan’ ireo sekoly nandray anjara tamin’ity hetsika ity ny EPP Andrefanambohijanahary, Ambohipo, Vohibola, Soamandrakizay, Ivandry ary Ambatolampy Tsimahafotsy.
Iarahana amin’ny Kaominina Antananarivo Renivohitra (CUA) sy ny Groupe Filatex ny tetikasa. “Isaorana ny CUA izay nanohana ny tetikasa sy nanome ny efitranom-pianarana hanaovana ny fifaninanana. Ankasitrahana ihany koa ny Groupe Filatex tamin’ny famatsiam-bola nataon’izy ireo ho an’ireo mpianatra misitraka ny tetikasa”, hoy Rakotoarisoa Dorat, filohan’ny tetikasa “Ping pour tous”.
Tsara marihina fa tanjon’izy ireo ny hampiray ny mpianatra eny amin’ny EPP rehetra. Tsiahivina fa mitohy ny fampianarana “Ping pour tous” amin’izao fialan-tsasatry ny mpianatra izao.
Fitia (Mpianatra asa)
French