Nanomboka omaly ny fampisakafoana ireo mpiadina manala fanadinana BEPC, eny amin’ny kaominina ambanivohitra Soavina. Hetsika nokarakarain’ny ben’ny Tanàna sy ny mpiara-miasa aminy, natao teo an-tokontany malalaky ny Ceg Soavina. Nisitraka izany ireo mpiadina 324 avy amin’ny sekoly 13 miankina sy tsy miankina ao anatin’ny kaominina. “Tsapa ny tsy fitovian’ny sakafo hanin’ireo ankizy mandritra ny fanadinam-panjakana ka antony nanaovana ny hetsika”, hoy ny ben’ny Tanànan’ny kaominina ambanivohitra Soavina, Rakotoarisoa Bien Aimé Rigobert. Tanjona ny hanala ny fahasahiranan’ny ray aman-dreny sy hampitoviana ny sakafon’izy ireo, mandritry ny fotoam-panadinana.
Ankoatra izay, nomena tohana ara-tsaina ny ray aman-dreny, telo andro alohan’ny fanadinana. Mba hampilamina ny sain’ny ankizy aloha sy mandritry ny fotoam-panadinana. Nolazaina azy ireo fa tsy tokony homena asa mafy intsony ny ankizy, homena sakafo tsara. “Miverina ao an-tsain’ny ankizy avokoa ny lesona rehetra mandritry ny taom-pianarana rehefa milamina ny ao an-tokantrano”, hoy izy. Ezaka ataon’ny kaominina ny hizara fitaovam-pianarana ho an’ireo olona tena sahirana eny an-toerana. 10 taona nanaovana ny hetsika, hisitraka izany koa ireo mpiadina hanala ny fanadinana bakalorea.
Mino (mpianatra asa)
French