Tontosa omaly, teny amin’ny kianjan’ny Betongolo ny fametrahana ny vatofototra ho fananganana kianja filalaovam-baolina ho an’olona 7 (MDN Stadium Betongolo). Nanatanteraka izany ny minisitry ny Fiarovam-pirenena, ny Jly Rakotoarijaona Josoa sy ireo mpiara-miasa aminy. Fiaraha-miasa eo amin’ny Tafika Malagasy, amin’ny alalan’ny ofisy miaramilan’ny Fanatanjahantena sy ny kolontsaina (OMSC), sy ny mpiara-miombon’antoka no ahafahana manangana izao fotodrafitrasa izao. “Fakan-tahaka ireo dingana tsara hitarihan’ny fitondram-panjakana amin’ny fametrahana sy fanatsarana fotodrafitrasa manara-penitra”, hoy ny MDN. Tanjona hanamboarana izao kianja izao koa ny fanatsarana ny fitaizana ho an’ny miaramila sy ireo tanora malagasy mpankafy ny taranja baolina kitra. Manampy amin’ny ady atao amin’ny fiparitahan’ny zava-mahadomelina, indrindra ny héroïne. Eo koa ny fampiroboroboana ny fanatanjahantena. Fanatanterahana koa ireo toromarika niarahan’ireo tomponandraikitra ambony eo anivon’ny Tafika ny fametrahana kianja mba hitaizam-batana ho an’ireo miaramila miantsehatra eny an-kianja. Toy izany koa ny fanandratana sy fampiroboroboana ny Cosfa, sangany amin’ny lafiny fanatanjahantena eto amin’ny Nosy.
Jean Claude
French