Efa samy nilaza ny isan’ny atletany handray anjara amin’ny lalaon’ny Nosy avokoa ireo federasiona tsirairay, na dia mbola eo am-panaovana ny fitiliana aza. Raha natambatra ny isa avy amin’ireo taranja 25, manodidina ny 497 eo ny atleta malagasy hiatrika ny lalaon’ny Nosy 2023, hatao eto Madagasikara, raha tsy misy ny fiovana. Ny taranja atletisma no betsaka indrindra, izay ahitana atleta 60 mianadahy. Tsiahivina fa efa naverina ho anisan’ny hifaninanana koa ny taranja kick-boxing, izay manana atleta miisa 14 mianadahy ary ny taranja taekwondo, izay manana atleta 24 mianadahy. Mbola mety hisy fiovana io isa io, araka ny fanazavana avy eo anivon’ny minisiteran’ny Tanora sy ny fanatanjahantena. Etsy ankilany, efa misy fantatra koa ny isan’ny delegasiona rahavavy ary ho hampitaina miandalana, raha ny fanazavana hatrany.
Mi.Raz
French