Tratran’ny zandary teny Andravoahangy ny lehilahy iray milaza fa pasitera nivadika ho nanao asan-jiolahy. Mianjaika sy mitondra Baiboly izy rehefa hanao ny asa ratsiny. Nitory teny tamina mpivarotra akoho, henan’omby sy henan-kisoa. Vita ny toriteny, angalany entana ny lasibany. Omeny laharana finday tsy misy, rehefa azony ny entana. Manjavona izy!
Maty vokatry ny fifandonana tamin’ny mpitandro filaminana ny olona iray tao amin’ny fokontany Ambolofoty, kaominin’i Betsinjaka, omaly. Savorovoro nateraky ny ady tany no nitarika ny olana. Niditra an-tsehatra ny mpitandro filaminana tany an-toerana. Ankoatra ilay namoy ny ainy, nisy iray naratra ihany koa tamin’ny zandary.
Roa lahy voasambotra niaraka tamin’ny vary amin’ny gony tao Belanitra, fokontany Atsimondrano, kaominina Antsapanimahazo, distrika Faratsiho, afakomaly. Voasambotry ny fokonolona teo am-pangalarana vary akotry izy mirahalahy. Raikitra ny daroka, nanamparan’ny fokonolona ny hatezerany mialoha ny natolorana azy ireo ny zandary.
Tafaverin’ny mpitandro filaminana ny omby 8 nalain’ny dahalo tao Analamiranga, fokontany Ambohimpihaonana, kaominina Tamponala, distrikan’i Soavinandriana, ny faran’ny herinandro teo. Voasambotry ny mpitandro filaminana ny olona roa nitondra gony sy moara. Efa mandeha ny fanadihadina azy ireo.
French