Naharitra 3 andro ny atrikasa mikasika ny fandraharahana, tetsy amin’ny masoivoho amerikanina Andranomena. Nanokatra izany ny masoivoho Claire Pierangelo. Tafiditra ao anatin’ny fandaharanasan’ny governemanta amerikanina «U.S. Speaker Program», izay mampifandray manam-pahaizana amerikanina amin’ny mpisehatra matihanina maneran-tany ity natao ity.
Amin’ny alalan’ny fanitarana ny tambajotran’izy ireo sy ny fifampizarana traikefa sy torohay no hanatanterahana ny fifampizarana. Mikendry ny hanamafisana ny fifanakalozana eo amin’ny sekoly na oniversite na fikambanana amin’ny manam-pahaizana amerikanina ihany koa ny fandaharanasa. Atao amin’ny alalan’ny fihaonana mivantana na ampitain-davitra, fifanakalozan-kevitra sy fiofanana ary atrikasa, izany. Maintimolalin’ ny fandaharanasa tohanan’ny governemanta amerikanina sy mpandraharaha miisa 30 mianadahy no mandray anjara amin’ity atrikasa «Fandraharahana» ity. Hitondra ainga vao sy hamparisika azy ireo ny fahavitan’ny atrikasa.
Tatiana A
French