Taorian’ny fanambaran’ny Filoha : namoaka ny lisitr’ireo mpikatroka karate hanao ny JIOI ny federasiona

Nambaran-dRajoelina Andry, filoham-pirenena malagasy fa misy ary afaka mandray tsara ny lalaon’ny Nosy, JIOI 2023, i Madagasikara. Taorian’io, namoaka ny lisitr’ireo mpikatroka, Karateka, hanao ny fifaninanana ny fe­derasiona FKM. “Ataontsi­ka avo folo heny noho ny tany Maurice ny hatsaran’ny lalaon’ny Nosy eto amintsika”, hoy ny filoha Rajoelina Andry, ny alahady lasa teo. Araka izany, namoaka ny lisitr’ireo mpikatroka karate 23, 9 vavy sy 14 lahy, hanao ny JIOI 2023, Ratefinanahary Emile, filohan’ny Federasion’ny karate ma­lagasy (FKM), tetsy Maha­masina, omaly.
Nohamafisin’ity filohan’ny FKM ity fa 32 no voafantina, saingy 23 ihany no atao anaty lisitra, araka ny fitsipika na­voakan’ny voamiera mi­saha­na ny lalao “Commission In­ternationale des Jeux” (CIJ).
Ankoatra izay, handray anjara amin’ny lalao iraisam-pirenena efatra i Madagasi­­ka­ra. Anisan’izany ny fiadiana ny ho tompondakan’i Afrika, Casa Blanca Maroc, ny 14 -20 aogositra ho avy izao, ny Mondial, hatao any Budapest Hongrie, ny 24-26 oktobra, ny “Première Ligue”, hotontosaina any Copenhague Dane­mark, ny 20-26 novambra, ny fifaninanana ho an’ny tanora, hotanterahina any Venise Italia, ny 6-10 desambra.

Fitia