Hisehatra eny amin’ny Lycée NDA Mahitsy i Lôla sy ny tariny. Hotontosaina ny alahady 23 jolay izao
io seho io, manomboka amin’ny 2 ora sy sasany. Mazava loatra fa tafiditra anatin’ny hetsika vita Bacc ny seho. Hamerina ireo hirany rehetra taloha, na milamina na mihetsika i Lôla. Hiampy ireo hira vaovao izay efa noketrehiny ela izany.
Amin’ny sabotsy 22 jolay izao, amin’ny 9 ora sy sasany, hanoka-baravarana ho an’ireo rehetra liana te hianatra mitendry valiha ny foibe fikarohana sy fampianarana mozika « Valiha Académie », etsy amin’ny Lycée privé Daniel Andravoahangy ambony. Haneho ny maha lova sarobidy ny valiha ry zareo amin’izany.
Haneho ny talentany ao amin’ny IFM Analakely i Ainah. Ny zoma 21 jolay izao, manomboka amin’ny
7 ora maraina ity seho ity. Mpanakanto niaka-daza vetivety i Ainah, noho ny feony miavaka sy ny tononkirany mafonja. Mbola mampiavaka azy ankoatran’ izay ny maha mpanao rugby azy, manefy ny aigampanahin’i Ainah aty amin’ny zavakanto.
Raikitra ilay “Revirevy mody masoandro”. Hotontosaina eny amin’ny parking an’ny CCI Ivato ity fampisehoana ity, ny alahady 23 jolay izao, manomboka amin’ny 2 ora tolakandro. Ry Mahaleo hotronin’ireo taranaka, Samoëla ary i Princio no hifandimby an-tsehatra mandritra izany. Hisy afon-dasy sy izay rehetra ilaina hahafeno ny fepetra maha “Revy revy mody masoandro” no tanjona.
French