Teny amin’ny lalan’ny mpandeha an-tongotra ny lohany, nihantona teny amin’ny toerana avo anaty kirihitra ny vatan’ny zazalahy iray, tetsy Anosy, omaly maraina. Mpandalo no nahita ny lohan’ny zaza. Hatairana, nitangorona vetivety teo ireo manodidina. Efa potika ilay vatana mangatsiakan’ny zaza rehefa nozahana.
Maty tsy tra-drano ny renim-pianakaviana iray voadonan’ny fiara tsy mataho-dalana tao Antanifotsy, sampanan-dalana mihazo an’Ankofafa, Fianarantsoa Renivohitra, omaly maraina tamin’ny 5 ora. Teny amin’ny lalan’ny mpandeha an-tongotra, niara-dalana tamin’ny rafozany sy ny vadiny io vehivavy io. Voadonan’ny fiara tampoka avy any aoriana anefa izy.
Trozona vavy iray mirefy 15 metatra eo ho eo indray no hita faty tao Antapolo, fokontany Ampasimandroro, distrikan’i Maintirano, omaly. Efa ho telo herinandro teo izy io no maty ka fefika teo amin’ny sisin-dranomasin’i Manitsy, fokontany Mahakenda. Nanao fanentanana ny mponina ny tomponandraiki-panjakana ao an-toerana mba tsy hihinana ity hazandrano ity.
French