Nisitraka atrikasa fampianarana mozika sy hira, andiany faharoa, ny rehetra teny anivon’ny boriborintany enina eto Antananarivo, ny alarobia sy zoma teo. Nokarakarain’ny sampandraharaha misahana ny haikanto, kolontsaina ary vaky boky ao amin’ny Fitaleavana misahana ny haikanto, kolontsaina ary ny fiainam-piarahamonina tarihin-dRavelomanantsoa Elia, eo anivon’ny CUA. Nisitraka izany, ireo sokajin’ olona rehetra (ankizy, tanora ary olon-dehibe). Nahitana karazana mozika toy ny piano, guitare basse sy tsotra, saxophone, batterie, violon, mihira ary « éveille musicale » (famohazana talenta). Nandray an-tanana ny fampiofanana ireo mpampianatra matihanina eo anivon’ny Centre académique de musique (CAM), etsy Ankadivato. Naharitra adiny roa hatramin’ny adiny roa sy sasany ny fampianarana ireo mozika tsirairay avy. Hisy ny fampisehoana ataon’ireo mpampianatra rehetra eny amin’ny Tranompokonolona Isotry, anio, manomboka amin’ny 10 ora maraina. Tanjona ny hanomezan-danja ny kolontsaina sy haikanto ary hanapariahana ny vaky boky.
Mino
French