Notontosaina omaly, teny amin’ny kianjan’ny Elgeco Plus By-Pass, ny lalao famaranana ny ligin’Analamanga. Voahosotra ho tompondaka tamin’ izany ny FC Rouge. Lavon’izy ireo tamin’ny isa 3 no ho 1 ny ekipan’ny AS Sainte Anne, taorian’ny fanalavam-potoana. Marihina fa nisaraka 1 no ho 1 ny roa tonta teo amin’ny fe-potoana ara-dalàna. Ny ekipan’ny FC Rouge izay nandresy an’i Toulon AC, tamin’ny isa 1 no ho 0, teo amin’ny manasa-dalana
Ity ekipa ity izany no hisolo tena ny ligin’Analamanga amin’ny fifaninanam-pirenena diviziona faharoa, “Ligue des Champions”. Fifanintsanana hanomboka ny 4 aogositra ho avy izao. Ao amin’ny vondrona “B” no misy azy ireo, miray vondrona amin’Alaotra Mangoro, Atsinanana, FCA Analanjirofo, FCT Analavory Itasy, AS 3A Amoron’i Mania.
Tsara ny mampahatsiahy fa ity ekipa ity no nanahirana ny Fosa Junior, tompondakan’ny “Orange Pro League”, teo amin’ny ampahavalon-dalan’ ny fiadiana ny amboaran’i Madagasikara “Telma Coupe 2023”. Resin’ny Fosa tamin’ny isa 2 no ho 1 ny FC Rouge, tamin’izany, saingy tany amin’ ny fanalavam-potoana (105 min) vao nahita fandresena ny ekipa avy any Boeny.
Fitia
French