Handray lalao amin’ny fifaninanam-pirenena “Ligue des Champions 2023” ireo faritra efatra eto Madagasikara. Anisan’izany Antsiranana, Ambatondrazaka, Tsiroanomandidy, Toliara.
Hotanterahina manomboka anio 4 aogositra ny fifaninanana «Ligue des Champions 2023», taranja baolina kitra. Araka ny fikarohana natao omaly, amin’ny 12 ora sasany ny solontenan’ Analamanga, FC Rouge no hiakatra kianja any Ambatondrazaka. Ny ekipan’Atsinanana, TGBC no hifanandrina amin’izy ireo.
Marihina fa roa amin’izy ireo, klioba nivarina tamin’ny fifaninanam-pirenena «Orange Pro League» (OPL) 2023. Anisan’izany ny AS JFC sy ny FIVE FC. Tsiahivina fa ireo mpandray anjara 24 no zaraina amin’ireo toerana efatra : Antsiranana, Ambatondrazaka, Tsiroanomandidy, Toliara.
Raha ny fanazavana voaray, ny 4 hatramin’ny 13 aogositra, fihodinana voalohany. Ny 8 – 17 septambra ho avy io ny dingana faharoa raha toa ka ny 4 – 8 oktobra ny farany. Ireo ekipa roa manao famaranana no hiakatra ao amin’ny fifaninanam-pirenena “OPL”.
Fitia
Fandaharam-potoana anio
Antsiranana :
10 ora : Espoir Betsiboka vs Five FC (Releg.OPL)
12 ora sasany : KFCA Diana vs AS Justice Sofia
3 ora : FC Zoya Boeny vs AS Vanilatsika Sava
Ambatondrazaka :
10 ora : 3 FB Alaotra Mangoro vs FCT Itasy.
12 ora sasany : TGBC Atsinanana vs FC Rouge Analamanga.
3 ora : FC A Analanjorofo vs AS 3A Amoron’i Mania.
Tsiroanomandidy :
10 ora : Jet Bongolava vs FC Zanagasy Vatovavy Fitovinany.
12 ora sasany : FC Inate Vakinankaratra vs MTM Melaky.
3 ora : ASJ FC (Releg. OPL) vs FC Leader Menabe.
Toliara :
10 ora : GJFT Betania Atsimo Andrefana vs FC Vert Blanc Anosy.
12 ora sasany : FC JSA Ihorombe vs FC Menanara Atsimo Atsinanana.
3 ora : Tsaraofana Matsiatra Ambony vs FC JM Androy.
French