Fandehanana mafy : mpitondra moto maty tsy tra-drano

Saika isan’andro ny ahenoana loza ahafatesan’olona vokatry ny fampiasana moto. Noho ny fandehanana mafy hatrany ny ankamaroan’izany.

Namoy ny ainy vokatry ny fandehanana mafy ny raim-pianakaviana iray 76 taona nitondra moto, tao amin’ny fokontany Ambihi­bolabe, kaominina Amboasary Gare, distrikan’i Moramanga, afakomaly. Tsy tafavily fiolanana, nifatratra tanaty tatatra ilay mpitondra moto. Nitondra olona iray, nipitika teny ambony moto koa ity farany. Vo­kany, maty teo noho eo, noho ny fahavakisan’ny lohany ilay raim-pianakaviana. Niezaka nanavotra ilay faharoa kosa ny manodidina ka nitondra azy teny anivon’ny toeram-pitsaboana. Naratra mafy io ni­taingina taorian’ny mpitondra moto io. Tsiahivina, nitrangana lozam-pifamoivoizana koa teo Ambohijatovo, boriborintany faharoa, omaly. Taxi-be 119 tapaka hisatra ka nandratra olona am-polony. Fiara roa koa potika tanteraka teny amin’ny lalam-baovao Tsara­sao­tra mbola vokatry ny fandehanana mafy ihany.

Tsiferana R.