Notanterahina omaly, ny andro faharoan’ny fifaninanana «Ligue des Champions 2023», taranja baolina kitra, diviziona faharoa, nasionaly. Tany amin’ireo toerana efatra: Antsiranana, Ambatondrazaka, Tsiroanomandidy, Toliara no nanatontosana izany. Araka ny vokatra voaray, resin’ny solontenan’i Vakinankaratra FC Inate, tamin’ny isa 3 no ho 1, ny ASJ FC, nihintsana tao amin’ny “Orange Pro League”. Fihaonana notanterahina tany Tsiroanomandidy.
Ankoatra izay, nisaraka ady sahala 1 no ho 1 ny FC Rouge Analamanga sy ny AS3A Amoron’i Mania. Araka izany, mbola isa iray ihany no azon’ny ekipan’Analamanga hatramin’izao.
Marihina fa mizara dingana telo ity fifaninanana ity. Raha tsy misy ny fiovana, ny 4 hatramin’ny 13 aogositra, ny fihodinana voalohany. Ny 8 – 17 septambra ho avy io ny dingana faharoa, raha toa ka ny 4 – 8 oktobra ny farany. Ireo ekipa roa manao famaranana no hiakatra ao amin’ny fifaninanam-pirenena “OPL”.
Fitia
Voka-dalao nandritra ny andro faharoa :
Antsiranana :
AS Justice (1) vs (1) Five FC (Releg.OPL)
AS Vanilatsika Sava (2) vs (4) Espoir Betsiboka
FC Zoya Boeny (3) vs (1) KFCA Diana
Ambatondrazaka :
AS 3A Amoron’i Mania. (1) vs (1) FC Rouge Analamanga.
FCA Analanjorofo (0) vs (2) FCT Itasy.
TGBC Atsinanana (0) vs (0)3 FB Alaotra Mangoro
Tsiroanomandidy :
FC Leader Menabe (2) vs (1) FC Zanagasy Vatovavy Fitovinany.
FC Inate Vakinankaratra (3) vs (1) ASJ FC (Releg. OPL)
Jet Bongolava (4) vs (0) MTM Melaky
Toliara :
Tsaraofana Matsiatra Ambony (2) vs (0) FC JSA Ihorombe
AS JM Androy (2) vs (2) FC Vert Blanc Anosy
FC Menagnara (0) vs (4) Betania Atsimo Andrefana
French