Fatin-dehilahy iray tsy nisy loha intsony, hitan’ny fokonolona tao Amporaha Dzamandzar Nosy-Be, afakomaly. Mponina monina ao an-toerana ihany ity hita faty ity. Ahiana ho nalain’ireo tsy mataho-tody ny lohany izay tsy hita teo aminy intsony.
Olona iray namoy ny ainy vokatry ny lozam-pifamoivoizana tao Sakaraha, afakomaly. Nitondra mpivavaka ny karandalana iray ka nifatratra tamina mpitondra kalesa. Maty tsy tra-drano ity farany.
Olona telo naratra ka voa mafy ny mpamily ny fiara 4×4 iray tra-doza, teny amin’ny RN7, 3km tsy hidirana ny tanànan’Ambohimandroso, distrikan’Antanifotsy, afakomaly. Nivadika tampoka ny fiara. Nentina nihazo ny CSBII ireo niharan-doza.
Afo nolalaovin-jaza tao amina tokantrano iray niteraka firehetana tokantrano 97 tao amin’ny fokontany Volambita, distrikan’i Beroroha, ny 3 aogositra teo. Olona miisa 582 tsy manan-kialofana. Lasa lavenona avokoa ny entana niampy ny vola tao anatin’ireo trano.
French