Tarika mivohy ny hira evanjelika anisan’ny manana ny maha izy azy any ivelan’ny Nosy. Mandalo eto an-tanindrazana ankehitriny izy dimy mianadahy mandrafitra ny Groupe Ny Mino. Tsy matetika ny ahitana azy ireto manatanteraka seho eto an-toerana fa saika amin’ny alalan’ny tambajotran-tserasera no ahafahana miaina sy manaraka ireo hira evanjelika sy ny hatsaram-peo ananan’ireo mpikambana ao anatin’ ny tarika. Tsy handalo fotsiny izy ireo fa hanatanteraka fampisehoana eto an-tanindrazana. « Hiaraka hidera isika. Faly izahay hifanatri-tava aminareo rehetra », hoy ny Groupe Ny Mino.
Raha tsiahivina, ilay hira nampitondraina ny lohateny « Ny Mino » no tena nahafantarana ny Groupe Ny Mino, taona vitsivitsy lasa. Marobe ireo nahita ny rindrantsary (clip) tamin’izany no niloa-bava fa « hira fiderana tena kanto sy mitondra aim-panahy lehibe tokoa ny « Ny Mino », sanganasan’i Laurent Rakotomamonjy ».
Anisan’ny mampiavaka ny tarika ihany koa ny fahaizan’ ny mpikambana mampiara-peo sy mandrindra izany amin’ ny feon-javamaneno ampiasaina.
HaRy Razafindrakoto
French