Nirefotra indray ny poa-basy omaly, teny Andraharo. Raim-pianakaviana mpanao taxi-moto iray niantefan’ny balan’ireo jiolahy, nandritra ny fanafihana mpanao Cash point iray. Teo am-piandrasana “client” izy no niseho ny fanafihana ka izao namoy ny ainy izao.
Teratany sinoa iray hita faty tao Ambohijafy avaratra, Toamasina, afakomaly. Tao an-tranony ihany ity vahiny ity izao hita tsy nisy aina intsony izao. Nanamarina ny zava-nisy ny mpitsabo tao an-toerana ka nitsirika ny razana. Natolotra ny fianakaviany ilay namoy ny ainy. Misokatra ny fanadihadiana.
Lehilahy iray hita faty, tetsy Tanjombato, omaly maraina. Natsingevan’ny rano, tsy fantatra mazava ny antony nahafaty azy. Nahitana ra ny faritry ny vavany. Nanokatra ny famotorana ny mpitandro filaminana tonga teny an-toerana.
Jiolahy fito voasambotry ny zandary tao Ankadimbahoaka, afakomaly. Nanafika tao Ambohijafy, kaominina Andramasina ireo olon-dratsy ireo, ny 4 aogositra teo.Vehivavy iray niharan’ny fanolanana. Namaky trano, tratra teny amin’izy ireo ny entana halatra toy ny solosaina sy ny rongony milanja 240 grama. Atolotra ny fampanoavana ireto farany.
French