Zaza telo indray maty tao anaty mololo, tany Ambaiboho, kaominina Morarano Chrome, ny alahady 13 aogositra teo. Zanaka mpanao biriky, voatery matory anaty mololo izy ireo amin’ny alina. Nisy afo tsy maty tsara anefa ka niitatra. Nitsoaka ny afo ny ray aman-dreny saingy tavela ireto zanany.
May ny herinaratra, namoy ny ainy ny zazalahy 12 taona, tao Ambatondrazaka, afakomaly tamin’ny 9 ora maraina. Tariby mitondra herinaratra manodina kilalao “Manège” no nitarika ny loza. Niezaka nanavotra io zaza io ny reniny saingy natsipin’ny herinaratra. Tsy nahina ny fahasalaman’ity farany.
Mpianaka niara-maty novonoin’ny olon-dratsy teny am-piambenana tsaramaso tao Betafo, ny alin’ny alahady 13 aogositra teo. Niandry ny raim-pianakaviana sy ny zanany ilay ramatoa. Manao ny fanadihadiana ny mpitandro filaminana ao an-toerana.
Vazaha roa lahy nifampikasi-tanana tao Salazamay Atsimo,Toamasina, omaly alina. Naratra mafy ny iray, izay tompona trano fisotroana ao an-toerana. Nentina tany amin’ny hopitaly ity farany nanaraka fitsaboana. Nandamina ny raharaha ny polisy.
French