Nanameloka ny lainga afafy sy tsaho manodidina ny fanadihadiana amin’ny “Raharaha Romy”, any Londres, ny antoko Freedom. “Manameloka ny fanaovana bontolo ka hanendrikendrehana ny filohan’ny Repoblika ho tsy afa-miala amin’ny mety ho heloka nataon’ny sasany izahay”, hoy izy ireo.
Nanolo-kevitra ny tokony hamoahana didy hampiasana ny rejisitry ny fokontany amin’ny fifidianana, ny filohan’ny FMI Malagasy, Ratsietison Jean Jacques. Tsy mahazo mifidy ao amin’ny fokontany na efa ao anatin’ny lisi-pifidianana aza ka tsy ao anatin’ny rejisitra. Mahazo mifidy raha tsy ao anatin’ny lisi-pifidianana, nefa ao anatin’ny rejisitry ny fokontany.
“Tsy tokony hisy zara vilana intsony ny vola ampiasain’ny kandidà amin’ny fifidianana”, hoy ny avy amin’ny Komity miaro ny soa iombonana ( KMSI), Ramahanenina Ranaivo. Avy aiza ny vola ampiasain’ ny kandidà? Tokony hoferana sy ho fantatra izay loharanom-bola lanin’ny kandidà amin’ny fifidianana. Fifidianana fandaharanasa fa tsy olona no hatao.
Ny fitsinjaram-pahefana miabo no anisan’ny lahadinika amin’ny fivoriana isan-taon’ny fikambanan’ny ben’ny Tanàna an-tanàn-dehibe miisa 16 na ny ”Association des maires de grandes villes de Madagascar (AMGVM)”, hatao any Antsirabe, ny 23-25 aogositra ho avy izao. Hodinihana koa ny fitaterana an-tanàn-dehibe, ny fanafainganana ny taratasy amin’ ny alalan’ny haitao ampitain-davitra…
French