Hotanterahina eto amintsika ny 25 aogositra – 3 septambra ho avy izao, ny lalaon’ny Nosy 2023, andiany faha-11. “Efa ao anatin’ny fanomanana tanteraka ny tenako, ary hiezaka ny haka medaly volamena ho an’ny Malagasy rehetra aho”, hoy Rakotoniaina Aimé Mbolalalaina Joël, Malagasy mpikatroka amin’ny taranja tolona.
Marihina fa i Mbola, voasokajy ao amin’ny “Sénior -74 kg”, ary efa manana ny lazany amin’ity taranja ity. Tsiahivina fa izy no nandrombaka ny medaly volafotsy tamin’ity taranja ity, nandritra ny lalaon’ny “Francophonie”, izay natao tany Kinshasa, ny 28 jolay-6 aogositra lasa teo. 26 taona ity atleta malagasy ity amin’izao fotoana izao ary maniry ny ho lasa lavitra
amin’ity hetsika ity.
Tsara ny mampahafantatra fa ankoatra ny tolona, milalao amin’ny 3FB Rugby Analamanga, izay manao manasa-dalana amin’ny fifaninanana “XXL Top 20” i Mbola.
“Tsara ny fanatanjahantena, ary rehefa manao zavatra dia ataovy am-pitiavana. Ny fikirizana sy ny fiezahana ihany no hahazoana vokatra tsara”, hoy ihany izy.
Fitia
French