Nisy fiovana ny kianja hihaonan’i Barea de Madagascar sy i Seychelles, amin’ny alakamisy izao. Raha tao amin’ny kianjan’ny Barea Mahamasina no voalaza, hatao any By Pass, kianja Elgeco, izany, araka ny fanazavana nomen’ny minisiteran’ny Fanatanjahantena. Marihina fa amin’ny 7 ora hariva ny lalao.
Tonga eto Madagasikara hanao fialantsasatra i Francesco Totti, italianina mpilalao baolina kitra. Marobe ireo olona nifandrombaka niaraka naka sary tamin’ity kalaza italianina ity tany Nosy-Be Hell Ville.
Akomba de Madagascar, io no anarana hoentin’ny ekipam-pirenena malagasy amin’ny taranja Tenisy. Efa ao anatin’ny fanomanana tanteraka ny Akomba, nandritra ny herinandro mahery izay. Tanjona ho azy ireo ny hahazo ny medaly volamena.
Hifindra lasy any Chypre Randriamamy Mathias, Malagasy mpiandry harato. Taorian’izay nahavoasokajy azy tao amin’ny mpilalao amidin’ny Paris Saint Germain izay, nahazo klioba vaovao, Diviziona faharoa (D2), i Mathias. Araka ny fikarohana natao, ao l’Ermis Aradippou ny tenany no hilalao.
French