Sambany ! Hifanandrina eo amin’ny tontolon’ny fanatanjahantena ny mpanoratra. Fikambanana roa samy goavana eo amin’ny fikajiana sy fameloma-maso ary fanomezana aina ny soratra no hikatroka amina lalao baolina kitra. Havàtsa-Upem hifandona amin’ny Faribolana Sandratra. Fihaonana hotanterahina, ao amin’ny Kianja RM1 Andohan’Analakely, ny tolakandron’ny alarobia 6 septambra izao. Hosoloina baolina ao anatin’ny ora maromaro ny penina ! Ny tongotra indray no hiasa mafy raha ny tanana no zatra nanao izany ! Hizara sokajy roa ny lalao. Ny lehilahy 30mn indroa miditra raha 15m indroa miditra kosa ny vehivavy.
Anisan’ny hampiavaka ity lalao ity ny fanehoana ety am-boalohan’ny fandaharam-potoana fa iray hatrany ny mpisehatra eo amin’ny tontolon’ny soratra. Hiaraka hiainga eo anoloan’ny Tahala Rarihasina Analakely ireto fikambanana hifanandrina amin’ny baolina kitra ireto. Handeha tongotra hihazo ny kianja hilalaovana.
Vonona ny roa tonta… Fa efa vonona ihany koa ireo mpijery izay nanambara fa ho avy marobe!
HaRy Razafindrakoto
French