Tovovavy iray tsy ampy taona nahatraran’ny polisy misahana ny ady amin’ny zava-mahadomelina rongony 659 kilao, ny alarobia teo, teny By Pass. Vokatry ny angom-baovao mari-pototra, nanao be midina nijery ny teny an-toerana ny tomponandraikitra.
Renim-pianakaviana iray nikasa hamono tena hiaraka tamin’ny zanany vavikely, teny Anosizato Atsinanana, ny faran’ny herinandro teo. Nasitriny moramora tany anaty tsikafona ny zanany. Efa teo am-pirobohana ilay ramatoa no tsikaritry ny manodidina.
Nahitana fatin’olona tao Tetezambaro, Toamasina, omaly atoandro. Feno ratra ny tavan’io tovolahy io. Mpandeha iray sendra nandalo no nahatsikaritra ny fisiany ka nampandre ny manodidina.
Voavonjin’ny fokonolona ny kamiao iray nirehitra tampoka tao Dépot, Toamasina, afakomaly tolakandro. Lasa lavenona avokoa ny entana tao anatiny. Tariby an-jiro nifampikasoka tamin’ny fiara no voalaza fa niteraka ny firehetana.
French