ZDS Ankarafantsika : Kaomandy vaovao ny Jly Narivony José Marcellin

Tontosa omaly, tao Maha­janga ny lanonana ara-miaramila famindram-pibaikoana eo amin’ny Jly Saidi Sylvain Modeste, kaomandin’ny fari-piarovana sy filaminana Ankarafantsika (ZDS) teo aloha sy ny kaomandy vaovao, ny Jly Na­rivony José Marcellin. Nitarika ny lanonana tany an-toerana ny minisitry ny Fiarovam-pirenena, ny Jly Rakotoarijaona Josoa sy ny lehiben’ny Eta­mazaoron’ireo Tafika, ny Jly Sahivelo Lala Monja Delphin. Nasongadin’ny minisitry ny Fiarovam-pirenena fa soatoavina miaramila ny fifandimbiasana andraikitra, hamelarana ho amin’ny tsara kokoa hatrany ny sehatra maha matihanina ny Tafika Malagasy. Nan­dritra izany koa no nanomezany tsodrano ho an’ireto ma­namboninahitra jeneraly ireto hahavita be sy hifanohana hatrany amin’ny asa rehetra atao hikajiana ny fandriampahalemana. Tonga nanotrona sy nanome voninahitra ny lanonana ny governoran’ny Faritra Boeny sy Betsiboka, ireo olom-boafidy sy olom-boatendry ary ireo tomponandraikitra isan’ambaratonga ao Mahajanga.

Jean Claude