Mampitaraina ny mponina sahady ny fahatapahan-jiro matetika. Lasibatra ny fihariana madinika, indrindra ireo miankin-doha amin’ny herinaratra. Mampirongatra ny tsy fandriampahalemana ihany koa izany. Matahotra ny mpiara-belona manoloana ny asan-jiolahy isan-karazany.
Mpikambana 23 avy amina kaoperativa roa avy ao amin’ny faritra Alaotra Mangoro, misehatra amin’ny famokarana masomboly fambolem-bary, no nisitraka fiofanana mahakasika ny lalàna mifehy ny kaoperativa, ny fitantanana fikambanana ary ny fahaiza-mitarika, ny herinandro teo. Fiaraha-miasa amin’ny JICA ny nahafahana nanao izany.
Mamatsy vola ny fampiofanana ireo inspecteur de pêche miisa 20 ao Mahajanga ny tetikasa Swiofish2. Mampiofana azy ireo momba ny fanamoriana sambo haingam-pandeha kosa ireo tomponandraikitra avy ao amin’ny APMF. Mizara roa ny fampianarana, ao ny fampiofanana an-tsoratra sy ny fampiharana an-dranomasina.
Tafatsangana ny orinasa kaoperativa Fitahianasoa ho mpamokatra voanjo sy voamaina matihanina ao amin’ny faritra Bongolava. Mpikambana ao ireo tantsaha avy ao Ambatobe Ferme any amin’ny kaominina ambanivohitra Belobàka, distrika Tsiroanomandidy.
French