Amin’ny maha zanaky ny Fiangonana Loterana Malagasy ny Tanora Masina Itaosy. « Miombom-peo amin’ny Foibe FLM izahay, manentana sy manasa antsika mpino FLM rehetra hiaraka hiombom-bavaka eny amin’ny Coliseum Antsonjombe, ny Alahady 10 septambra izao manomboka amin’ny 8ora sy sasany maraina », hoy ny fampitam-baovaon’ny Tanora Masina Itaosy. Amin’ny 2 ora tolakandro, indray, hanatanteraka seho ao amin’ny FJKM Atsimon’Imahamasina ry zareo. Hetsika tsy misy vidim-pidirana karakarain’ny sampana Mpanazava sy Tily eny an-toerana.
Tsiahivina fa anisan’ny seho evanjelika lehibe notanterahin’ny Tanora Masina Itaosy tamin’ity taona 2023 ity ny teo amin’ny Araben’ny Fahaleovantena, any Antsirabe. Fotoana nifandimbiasan-tsehatra tamin’ny Iz’Art Gospel sy ny TGC. Iray amin’ireo mampiavaka ny Tanora Masina Itaosy ny fananana tononkira tsotra sy mora raisina ary mavesa-danja. Manamafy izany ny « Ahy Jesosy », « Mifohaza », « Misaotra Anao », « Mamelà ny Nosinay »…
HaRy Razafindrakoto
French