Tanàna Orange faha-28 ny ao amin’ny kaominina Ambatoasana Centre, distrikan’i Soavinandriana, faritra Itasy. Nahazo fotodrafitrasa sosialy maro avy amin’ny tohana nentin’ny Orange solidarité Madagascar ny tanàna ary notokanana ny faran’ny herinandro teo tany an-toerana. Nampiana ny CSB I ary nasiana toeram-pivoahana sy fidiovana ihany koa. Nahazo fitaovana avy amin’ny mpiray ombon’antoka “Association Imanga”, ny toeram-pitsaboana vaovao. Nohalehibiazina koa ny CEG Ambatoasana ka nanorenana efitrano roa vaovao ary efa ahitana latabatra sy seza miaraka amin’ny fitaovana. Nametrahana paompin-drano ahazoana rano madio ho an’ny tanàna iray manontolo koa. Nanome tosika tamin’ny akora nanamboarana ny trano ny kaominina ary nanampy tamin’ny fanorenana ny vahoaka. Manana mponina 9 000 ny kaominina.
Napetraka ny taona 2013 ny fandaharanasa “tanàna Orange” manampy amin’ny fampandrosoana ny tanàna lavitra ahazoan’ny ankizy fanabeazana sy manome tolotra sosialy ho an’ny mponina rehetra.
Vonjy
French