Nisitraka fitaovam-pianarana ireo mpianatra manala fanadinana eo anivon’ny Epp Ampasanisadoda sy ireo ankizy sahirana ao amin’ny Maison Aina Ambatolampy Antananarivo, ny sabotsy lasa teo. Niara-nanolotra izany, ny Rotaract Club Antananarivo Faneva sy ny Leo Club Antananarivo Mitantsoa ary ny Sodim. Hetsika “Andrin’ny hoavy”, hanampiana ireo ankizy sy hanasoavana ny mpiara-belona ary hijerena ny maha olona. Tanjona ny hananan’ny tanora malagasy ho avy mamiratra eo amin’ny sehatry
ny fanabeazana. Maneho ny fahafahan’ny ankizy mianatra sy mampirisika azy ireo hianatra ary hanantena hoavy mamiratra ny hetsika toy izao. Manala ny fahasahiranan’ny ray aman-dreny eo amin’ny lafiny ara-bola sy mampihena ny tahan’ny ankizy miala an-daharana ihany koa.
Ankoatra izay, maro ny tetikasa irika fanararaotra ho an’ny tanora, izay karakarain’ ireo mpiara-miasa telo ireo. Toy ny fampandrosoana sy fampivoarana ny maha olona ary ny sosialy. Mba hanamafisina ny fahaiza-manao, ny fahaiza-mitarika, ny fifandraisana amin’ ny tanora hafa ary ny fandraisana anjara amin’ny fanatsarana ny tontolo manodidina.
Fikambanana iray mamelona ny fanantenana sy manova izany ho fiainana ny fikambanana Maison D’Aina. Nisy teto Madagasikara nanomboka tamin’ny 2002. Naorin-dRamakavelo Hanta. Miompana amin’ny fiahiana sy fanampiana ireo ankizy sahirana ary manome tontolo azo antoka sy feno fitiavana. Mba hahafahan’ireo ankizy mivelatra sy mianatra ary manantena hoavy tsaratsara kokoa.
Mino
French